Ururka Suxufiyiinta Soomaaliyeed (ASOJ) wuxuu si adag u cambaareynayaa xarigii sharci-darrada ahaa ee lagu qabtay Agaasimaha Telefishanka Himilo TV, Axmed Maxamed Aadan, iyo Agaasime Ku-xigeenkiisa, Khadar Cabdiraxiin Ibraahim, kuwaas oo maanta lagu xiray magaalada Muqdisho.

War-saxaafadeed – ASOJ (Ururka Suxufiyiinta Soomaaliyeed)

Taariikh: 12 Oktoobar 2025
Goobta: Muqdisho – Soomaaliya

Ururka Suxufiyiinta Soomaaliyeed (ASOJ) wuxuu si adag u cambaareynayaa xarigii sharci-darrada ahaa ee lagu qabtay Agaasimaha Telefishanka Himilo TV, Axmed Maxamed Aadan, iyo Agaasime Ku-xigeenkiisa, Khadar Cabdiraxiin Ibraahim, kuwaas oo maanta lagu xiray magaalada Muqdisho.

Falkaan wuxuu ka dhigan yahay xadgudub cad oo lagu sameeyay xorriyadda saxaafadda iyo caburinta suxufiyiinta madax-bannaan, taasoo ka hor imaaneysa Dastuurka Jamhuuriyadda Federaalka Soomaaliya iyo heshiisyada caalamiga ah ee ilaalinta xuquuqda aadanaha.

ASOJ waxay ugu baaqeysaa hay’adaha amniga iyo madaxda dowladda inay si degdeg ah u sii daayaan wariyeyaashaas oo ku howlanaa gudashada waajibaadkooda shaqo.

Ururku wuxuu xasuusinayaa dhammaan hay’adaha dowladeed in xorriyadda saxaafaddu ay tahay tiir muhiim u ah dimuqraadiyadda iyo daahfurnaanta dowladnimo.

ASOJ – Difaac Saxaafad Xorta ah, Difaac Bulsho Xog Ogaal ah.