Asoj oo IFJ ku eedeysay xadgudub ka dhana Saxaafadda Somalia.

0
Monday July 05, 2010 - 05:50:50 in Warar Af-Soomaali ah by Super Admin
  • Visits: 3845
  • (Rating 0.0/5 Stars) Total Votes: 0
  • 0 0
  • Share via Social Media

    Asoj oo IFJ ku eedeysay xadgudub ka dhana Saxaafadda Somalia.

    Mogadishu 21 October 2009

    Share on Twitter Share on facebook Share on Digg Share on Stumbleupon Share on Delicious Share on Google Plus

Mogadishu 21 October 2009
Ururka isu taga Suxufiyiinta Somalia ee Asoj ayaa si kulul u cambaareeyay hadal uu ku saxiixnaa Adan White oo ah Xoghayaha Ururka IFJ.(20 October 2009).

Gudoomiyaha Asoj Dahir Abdulle Alasow wuxuu tilmaamay in Xoghayaha guud ee Ururka IFJ halis ku yahay dadaalada ay Suxufiyiinta Somalia isaga xoreeynayaan shaqsiyaadka ku qaraabta magaca Saxaafadda Somalia ee astaanta u noqday falal naxdin iyo qaracan badan.


“ Hadalka Adan White waxaanu u aragnaa hanjabaad soo shaac baxday waqti kala guura oo dhamaan Weriyeyaasha Soomaaliyeed gacmaha is qabsadeen,kana samin yihiin in la ciribtiro kuwa NGO lagu qaraabta ka dhigtay magaceena,anaga waxaanu sii wadi doonaa dagaalka aan ugu jirno in Saxaafadda Somalia ka xoroowdo shaqsiyaadka aan aqoonta Saxaafadda lahayn,runtiina waa hubaal in laga guuleeysan doono keli talisyada, sidii looga guuleeystay keligii talisyadii dunida soo maray” ayuu yiri Mudane Dahir Abdulle Alasow.

Associated Somali Journalists waxay taageero buuxda u dirtay dhamaan Ururada Saxaafadda Somalia ee sida hagar la’aantaa ugu shaqeeynaya horumarinta Suxufiyiinta Soomaaliyeed dal iyo dibad meelkastoo ay dunida ka joogaan.

Asoj waxay bogaadineysaa Ururada Saxaafadda Somalia ee astaanta u noqday waxqabad dhaba,isuna kaashanaya Cadaalada iyo horumarka sida:-

1-Somali Exiled Journalists Association (S.E.J.ASS)

2-Somali Journalists rights Agency (SOJRA)

3-Women Journalists in Action (WOJA)

4-Somali Coalition for Freedom of Expression (SOCFEX)

5-Somali Women Journalist Association (SOWJA)

6-South and Central journalists Association (SOCJA)

Asoj waxay ku baaqeeysaa in la sii laba laabo dadaalada wax ku oolkaa si loo helo cadaalad,Midnimo iyo difaac adag oo gabaad u noqon karo dimoqoraadiyad ku taagan caga adag.

Waxaan dareemeeynaa in Xoghayaha IFJ Mr Adan White jecel yahay hab dhaqanka keligii talisnimada,waxaan u sheegeeynaa inaan nahay Somali,kana xoroownay gumeeystayaashii Ingiriiska iyo talyaniga July 1, 1960 sidaasi darted waa muhiim in qof waliba ogaado in laga gudbay wixii jiray qarnigii 19 aad.

Waxaanu ognahay inaan lacag badan heeysan,waxaanu ognahay inaan ducomentiyo socdaal heeysan badankeen,waxaanu ognahay in nalooga faa’iideeystay dowlad la’aanta dalkeena ka jirtay 19 sano balse waxaanu heeysanaa niyad wanaagsan oo suurtagal ka dhigeeyso in rabitaankeena meelmaro,inaan cidna magaceena ku shaqeeysan,waxaana ugu dambeyntii ugu baaqeeynaa dhamaan Ururada Xaquuqul insaanka,Saxaafadda Madaxa banaan sida Amnesty International,Human rights Watch,CPJ,RSF,IFEX iyo NED inay dalka Somalia u soo diraan gudiya madax banaan si ay xaqiiqada u ogaadaan,loona sameeyo xog aruurin lagu xaqiijin karo waxa uu yahay rabitaanka Weriyeyaasha Soomaaliyeed iyo inta ay la egtahay taageerada ay heeystaan kuwa sheegta inay metelaan Saxaafadda Qaranka Somalia.

AbdulFitah Mohamed
Mogadishu-Somalia


Leave a comment

  Tip

  Tip

  Tip

  Tip

  Tip