Kulan looga hadlayay Saxaafadda Soomaaliya oo ka dhacay Holand,daawo sawiradda.

0
Monday July 05, 2010 - 04:58:14 in Warar Af-Soomaali ah by Super Admin
  • Visits: 1891
  • (Rating 0.0/5 Stars) Total Votes: 0
  • 0 0
  • Share via Social Media

    Kulan looga hadlayay Saxaafadda Soomaaliya oo ka dhacay Holand,daawo sawiradda.

    Share on Twitter Share on facebook Share on Digg Share on Stumbleupon Share on Delicious Share on Google Plus

Kulan balaaran oo looga hadlayay Tacadiyadda Saxaafadda Soomaaliya iyo kaalinta ay ka qaadan karaan xal u helida xaaladda Soomaaliya ayna soo qaban qaabisay Hay’adda Dalmar Foundation ayaa ka dhacday Magaaladda Denhage ee Dalka Holand.
 




Kulanka Denhage oo ay ka qeybgaleen qaar ka mida Weriyaasha ugu caansan Soomaaliya ee Ururka isu taga Suxufiyiinta Soomaaliyeed ee ASOJ ayaa wejigiisa hore ee qadada wuxuu ku biloowday isbarasho guud oo ay isku baranayeen Madaxda Dalmar Foundation iyo Weriyaasha Soomaaliyeed ee ASOJ kuna nool dalka Holand,waxaana wejigii 2-aad loo gudbay dood la xiriirtay kaalinta Saxaafadda Soomaaliya ka qaadan karo xal u helida xaaladaha murugsan ee Soomaaliya iyo dariiqa ugu haboon ee loo mari karo.
 



Cabdi Maalik Yusuf oo ka mida madaxda Dalmar Foundation ayaa Weriyaasha uga warbixiyay waxqabadka Hay’adda Dalmar Foundation iyo dareenkeeda dhinaca Warbaahinta,wuxuuna sidoo kale Weriyaasha ku casuumay inay booqdaan Xarumaha Radio Dalmar ee Denhage iyo Amestradem maadama ay tahay idaacadii ugu horeysay ee ku baxda afka Soomaaliga lagana hergeliyay dalka Holand
.



“Waxaynu idinkuugu casuunay kulankaan inaan is aragno maadama aan dalka idin kaaga soo horeynay,waxaynu ujeedadu tahay sidii aan isaga kaashan lahayn horumarinta Saxaafadda sidaas darteed,waxaan idin leeyahay ku soo dhawaada Holand gaar ahaan Xarunta Dalmar Foundation”ayuu yiri Cabdi Maalik Yusuf oo dhinaca kale xusay inay ka xun yihiin tacadiyada lagula kaco Saxaafiyiinta ee sabab u noqotay inay badankood amaan xuma uga soo cararaan dalkii Hooyo.
 



“Dalmar Foundation waxay leeyihiin Radio,xarumo waaweyn waxay ku leeyihiin Denhage iyo Amestradem,waxay sameeyaan ducoments Video ka hadlaya xaalada Soomaaliya,waxay bixiyaan tababaro gudaha Somaliya iyo wadamada yurub,waxay caawiyaan dhalinyarada,waxayna ku caawiyaan inay dhaqanka wax ka baraan,.waxay leeyihiin Radio Dalmar,waxaa barnaamijyada ka baxa ka mida RADIO DALMAR KA BARO LUQADA NEDERLANDSE” sidaas waxaa ku warbixiyay Asad Maxamed
 



“Inaad Holand noogu timaadaan waan ku faraxsanahay waana ka xunahay,waxaan ula jeedaa ,waxay ahaydeen ilahii aanu warka gudaha ka heli jirnay,taas ayaan uga xunahay hadana dhinaca kale waan idinku faraxsanahay oo runtii waan u baahanahay wada shaqeyntiina iyo inaad reer Holand noqotaan”ayuu yiri Xasan Daa’uus oo ka mida hoowlwadeenada ku xeeldheer dhinaca Saxaafadda ee Dalmar Foundation.
 



Xoghayaha Xiriirka arrimaha bulshadda ee ASOJ Mudane Maxamed Cismaan Sheekh Qadaafi oo ka hadlay kulanka ayaa sheegay in tacadiyada ay la kulmaan Weriyaasha Soomaaliyeed gaar ahaan Muqdisho ay ka dhigan tahay kuwa naxdin badan oo nolosha iyo xaquuqda Saxaafiga hareer marsan
 



“Wuxuu ujeedkeenu yahay inaan bal wax badan isla gorfeeyno,waxaana dooneynaa inaad war naga siisaan dhibaatadii aad kala kulanteen Muqdisho ee shaqadiina Saxaafadeed maxaa yeelay anagu dalkii waxa ka dhacaya hoos uma maqalno ee warbaahinta keliyaan kala soconaa”ayuu yiri Mr Asad Maxamed oo ka mida madaxda Dalmar Foundation ee leh aqoonta Saxaafadda kuna shaqeeya.
 




Iman Icar Dalmar oo ka mida madaxda Dalmar Fundation ahna rug cadaa Saxaafadeed ayaa ka sheekeeyay taariikhda Saxaafadda Soomaaliya iyo waxqabadka Dalmar Foundation isagoo xusay inay dareemayaan guud ahaan xaaladaha ay ku sugan yihiin shacabka Soomaaliyeed gaar ahaan Weriyaasha Soomaaliyeed.
 



“Waxaan ku faraxsanahay in kulankeena ay nagala qeybgalayaan gabdha metelaya Saxaafadda Soomaaliya maxaa yeelay kulamadii aan ka qeybgeli jiray waxay ahaayeen kuwa u badan,tani waa mid lagu farxo,waxaana jeclahay inaan karaankeey idinku garab istaago hindisayaasha ka soo baxa kulankaan”ayuu yiri Awes Mohamed oo ka mida aqoonyahanada Soomaaliyeed ee hada ku nool Dalka Ingiriiska,kana mida Hay’ada Dalmar Foundation.



Gudoomiyaha Ururka isu taga Suxufiyiinta Soomaaliyeed ee ASOJ Dahir Abdulle Alasow ayaa madaxda Dalmar Foundation kaga mahadceliyay qado iyo casha sharafta ay u sameeyeen,wuxuuna ku tilmaamay mid taariikhiya waloow uu dhinaca kale xusay inaysan ahayn kulankii ugu horeeyay ee Dalmar Foundation casuunto Weriyaal Soomaaliyeed.
 



“Waxaan idin kaga mahadcelinayaa martiqaadkiina qiimaha badan anigoo ku hadlaya dhamaan magaca Weriyaasha Soomaaliyeed gaar ahaan kuwa ku sugan dalka Holand ee aad Casuumaada u sameeyseen,dabcan maaha mid idinku cusub maxaa yeelay waxaan xasuustaa kulankii aad u qabateen Weriyaasha Yurub iyo Mareykanka ku nool ee Soomaaliyeed intii u dhaxeysay 2003 ilaa 2004”ayuu yiri Gudoomiyaha Ururka ASOJ Dahir Abdulle Alasow.
 



Dahir Alasow wuxuu sheegay inay dhibaato heysato Weriyaasha Soomaaliyeed ee ku nool gudaha dalka iyo dalalka la deriskaa sida Somaliland,Itoobiya,Uganda iyo Kenya,wuxuuna hoosta ka xariiqay inay muhiim tahay in gurmad dhaba loo fidiyo maadama ay u dhaxeeyeen laba kooxood.




“Saxaafadii Soomaaliya waxaa sameystay ganacsato aan badankood aqoon u lahayn sharciga Saxaafadda,waxayna taas lumisay sharaftii Saxaafigga baahan ee aan ka maarmin inuu ku shaqeeyo qaab u dhigma gumeysi,waxaa xaaladaha nuucaasa sii murjiyay kooxaha isku haya Soomaaliya oo bartilmaameedsanaya Saxaafadda,runtiina way ila tahay in xooga la saaro sidii xaaladaha nuucaasa wax looga qaban lahaa”ayuu yiri Dahir Alasow.



Inkastoo ay doodo kulul ka jeediyeen kulanka Weriyaal caana oo ay ka mid yihiin Maxamed Cismaan Sheekh Qadaafi,Shukri Macalin Cabdi Raxmaan(Shukri Shuute) Farxiyo Maxamed Maxamud (Farxiyo Sabaax) Maxamed Axmed Cali Sandiir,Cabdi Raxmaan Guurre (Gentlemen) Axmed Cabdi Wahaab, hadana waxaa la isla afgartay in kulan kale dib loo kulmo si loo meelmariyo wax ka qabashada ajandayaasha laga hadlay oo kala ah:-
 



1-Sida ugu haboon ee Saxaafadda gacan uga geysan karto badbaadinta dalka ee dhinaca Warbaahinta

2-Sida ugu haboon ee wax loogu qaban karo Saxaafiyiinta ku dhibaateysan gudaha Somaliya iyo dalalka la deriska

3-Sida wax looga qaban karo dhibaatooyinka lagala kulmo ganacsatada iska leh Warbaahinta Soomaaliya ee Saxaafadii ka dhigay mid ku shaqeysa danahooda gaarkaa oo ay fuliyaan shaqsiyaadka ay maamulada u dhiibteen

4-Sida ugu haboon ee loo ciribtiri karo in Weriyaasha qaarkood ku shaqeeyaan xaalado qabiil halka looga baahan yahay mid heer Qaran iyo madaxbanaanida Saxaafadda.



Leave a comment

  Tip

  Tip

  Tip

  Tip

  Tip