Mogadishu 02 May 2009

Marka hore waxaan u mahad celineynaa shacabka iyo dowlada dalka Jibouti ee aan walaallaha nahay mudadii aan ku sugneyn, sidii wanaagsaneyd ee ay inoola dhaqmeen iyo sida ay inoogu soo dhaweeyeen dalka Jibouti.

Waxaan cadeyneynaa in Wakaalada wararka madaxa banaan ee laga furey dalka Jibouti, aaney ahayn mid ka tarjumeysa Ujeedada loo aas aasey, balse ay tahay mid looga faa’iideyno Hogaanka Ururkaasi iyo xubno gaar ah oo Ururka NUSOJ ka tirsan.

Waxaa kale oo cadeyneynaa in Hogaanka Ururka NUSOJ uu marin habaabiyey ujeedada Wakaaladan, waxaana Hogaanka Ururka NUSOJ uu u isticmaaley awood, qaabkii loo xuli lahaa wariyeyaashii looga faa’iideyn lahaa oo badidoodu aan lagu wargelin furitaanka aas aaskeed iyo ka shaqeynteedaba oo ay sugayeen, wixii ka dambeeyey markii uu Jibouti yimid mas’uul ka socda Ururka RSF, kaasoo sheegey in Wariyeyaashu ay dhamaantood ka faa’iideysan doonaan Wakaalada cusub hawlaheeda shaqo, Ururka NUSOJ-na uu yahay mid kor kala socon doono hawsha Wakaalada.

Waxaa markhaati ma doonto ah, in laba wariye oo ka tirsanaa Wariyeyaashii ku soo qaxay dalka Jibouti mooyee aaney jirin cid kale oo ka faa’iideysatey hawsha Wakaalada, waxaana dalka Somalia laga keeney ilaa iyo 7 xubnood oo ka tirsan idaacadaha madaxa banaan ee ka hawlgala Magaalada Mogadishu, halka wariyeyaashii joogey dalka Jibouti ee loogu talo galey inay ka faa’iideystaana aan laga qaybgelin.

Dhamaan wariyeyaasha ku sugan dalka Jibouti ee ka soo qaxey dalka Somalia waxay ku mideysan yihiin in xaqoodii iyo xuquuqdii ay lahaayeenba uu is hor taagey Hogaanka Ururka NUSOJ oo sheegta in uu u doodo dhamaan suxufiyiinya Soomaaliyeed, balse uu yahay NGO uu si gaar ah u leeyahay Xog-hayaha Ururkaas.

Waxaan u sheegeynaa dhamaan Suxufiyiinta Soomaaliyeed ee ku sugan dalka gudihiisa iyo dibadiisa inuusan na metelin wax la yiraahdo Ururka NUSOJ oo u dooda xuquuqda Suxufiyiinta Soomaaliyeed, balse uu yahay Urur ay ku shaqeystaan Suxufiyiin u dhaqma sida Hogaamiye Kooxeedka, waana Urur had iyo jeer is hor taaga xaqa Suxufiga Soomaaliyeed iyo waxa uu caalamku u ogolaado in uu ku caawiyo bahda saxaafada Soomaaliyeed.

Wariyeyaasha soo saarey War-saxaafadeedkan ee ku sugan dalka Jibouti

1-Miikaahiil Rashiid Barre oo ka hawlgeli jirey Shabeele.

2-Cabdullaahi Muuse Kalgacal Radio Horn Afrik

3-C/qaadir Zubeyr Xaaji Xasan Shabeele

4-Farxaan Xareed Maxamuud Radio TFG Baydhabo

5-Maxamed Nuur Macallin Johanis TFG Baydhabo

6-Maxamed Macallin Cismaan (All-man) Website Somlitalk iyo Ayaamaha News Press

By Sunni Said Saleh
Asoj Spokesman
[email protected]
[email protected]
Mogadishu-Somalia