Mogadishu 4 March 2009

Ururka isu taga Suxufiyiinta Soomaaliyeed ee ASOJ ayaa cambaareeyay erayo hanjabaada oo Wasiir ka tirsan Xukumadda cusub ee Ra'isulwasaarre Cumar Cabdi Rashiid Cali ugu goodiyay Saxaafadda Somalia.

"Waxaanu ka xunahay in Proff Ibbi oo ah ,Ra'isulwasaarre ku xigeen iyo Wasiirka Kaluumeeysiga u hanjabo Saxaafadda madaxa banaan,waana nasiib daro in Xukumadda cusub masuul ka tirsan Madaxbanaanida Jaraa'idka durba ku bilaabo handadaad,tani maaha mid la qaadan karo,waxaana ugu baaqeeynaa golaha baarlamaanka inay jawaab cad ka bixiyaan meel ka dhaca Wasiir Ibbi"ayaa lagu yiri Warsaxaafadeed uu soo saaray Ururka Suxufiyiinta ASOJ.

Gudoomiyaha Suxufiyiinta Soomaaliyeed ee ASOJ Dahir Alasow ayaa cambaareeyay cagajugleeynta Wasiir Ibbi.

"Proff Ibbi weligiisba wuxuu ahaa afku dhiigle,wuxuuna ku caanbaxay u hanjabida Saxaafadda,hada waxaanu ku baaqeeynaa in Xukumadda laga saaro shaqsigaas garashada liito,kuna caanbaxay musuqmaasuqa"ayuu yiri Dahir Alasow oo dhinaca kale xusay inaysan Saxaafadda ahayn dagaal oogeyaal.


"Sida la ogyahay waxaa nagula heystaa oo noola ugaarsanayaa taageerada aan nabadda siinay,waxaana la yaaba in dagaal Ooge Ibbi oo taariikhdiisa la wada ogyahay nala mataalo dagaal oogayaal,taasi waa garasho xumidiisa,wuxuuna wasaqeeyay magaca Xukumadda cusub ee Somalia"ayuu si caro leh u yiri Dahir Abdulle Alasow.
Alasow wuxuu tibaaxay in Saxaafadda Somalia ku shaqeeyn doonto xaalad kastoo oo wajahdo.

"Waxaanu u dhimaneynaa Madaxbanaanida Saxaafadda,sida la ogyahayna walaalkeen Saciid Tahliil waxaa loo dilay go-aankii taageerida nabada,waxaad moodaa inaan sedexdii sano ee ugu dambeysay noqonay bartilmaameedka garabyadda siyaasadda isku hayo,laakiin waxaanu diyaar u nahay inaanu dhimano anagoo xaqiiqada ka turjumeeyno"ayuu Dahir Alasow warkiisa ku koobay.

Wasiirka Kaluumeysiga ahna Ra'isulwasaarre ku xigeenka Xukumadda Federalka Somalia Proff Ibbi ayaa Idaacadda Hornafrik Wareysi uu siiyay wuxuu ugu hanjabay saxaafadda isagoo xusay inay Saxaafadda uga taqalusayaan si la mida hogaamiye kooxeedyadii dagaalka.



                                              By:Sunni Saed Salah