“Xukumadda iyo Warfidiyeenadda Somaliland waxaan ugu baaqi lahaa inaysan lumin miisaanka dimoqoraadiyadda,ayna tusaale wanaagsan u qaataan garasho xumida heerka ay gaarsiisay geyiga koofurta Soomaaliya” ayuu yidhi Gudoomiyaha ASOJ Mr Alasow.

Dahir Alasow wuxuu Xukumadda Somaliland ugu baaqay inay sharuud la’aan ku sii deyso Weriye Foosi ayna gacan ka geysato sidii gudiyo kala metelaya Wasaaradda Warfaafinta Somaliland iyo Dallada Midowga Suxufiyiinta Somaliland loo dhisi lahaa si wadajir loogu gorfeeyo,maxaa saxa maxaase qalada.

“Saxaafadda Somaliland waan ugu baaqi lahaa inaysan halis ku noqon horumarka iyo geeddi socodka dimoqoraadiyadda Somaliland,waxayse sharciyadu tahay in Xukumadda tixgelin siiso oo tilaabo kasta kala tashato Union Of Somaliland Jornalistis (USJ)) si aysan meel ka dhac ugu sameeyn xeer sharafeedka Saxaafadda ka dhigaya awooda afaraad ee Dalka” ayuu Warsaxaafadeedkiisa ku koobay Dahir Abdulle Alasow oo dhinaca kale hambalyo gaara u diray madaxda Dalladda Suxufiyiinta USJ oo uu ku sifeeyay hoowlwadeeno sumcad wanaagsan ku dhex leh bulshada lagana sugayo inay dhexda u xirtaan sidii Saxaafadda Somaliland u noqon lahaayeen ul iyo diirkeed.