Somali Journalists Network Kenyan oo ku biiray Ururka isu taga Suxufiyiinta ASOJ

0
Monday July 05, 2010 - 04:45:00 in Warar Af-Soomaali ah by Super Admin
  • Visits: 2763
  • (Rating 0.0/5 Stars) Total Votes: 0
  • 0 0
  • Share via Social Media

    Somali Journalists Network Kenyan oo ku biiray Ururka isu taga Suxufiyiinta ASOJ

    Share on Twitter Share on facebook Share on Digg Share on Stumbleupon Share on Delicious Share on Google Plus

Ururka Suxufiyiinta Somalida Kenya ee marka la soo gaabiya loo yaqaan SJKN ayaa shaaca ka qaaday inay si buuxda ugu biireen Ururka isu taga Suxufiyiinta Soomaaliyeed ee ASOJ kadib markii ay mudo darsayeen waxqabadka Wariyaasha ASOJ iyo miisaanka uu ku dhex leeyahay Saxaafadda Soomaaliya.

“Waxaan idiin sheegayaa inaan ku biirnay Ururka isu taga Suxufiyiinta Soomaaliyeed ee ASOJ aniga oo ku hadlaya magaca Somali Journalists Network Kenyan,waxaana ii farxada in Ururka aan Gudoomiyaha u ahay ee SJKN oo aqoonsi buuxa ka heysta Wasaraada Warfaafinta Kenya,kana diiwaan gashan ,aanu ku biirno Associated Somali Journalists ASOJ,waxaana xusid mudan inay taas nagu dhalatay kadib markii aan diiwaan gelinay Wariyaashii Muqdisho ka soo cararay ee ku sugan Nairobi “ sidaas waxaa khudbadiisa ku daah furay Gudoomiyaha Somali Journalists Network Kenyan Mr Ismaaciil Sheekh Cabdi raxmaan.


Gudoomiye Ismaaciil Sheekh Cabdi Raxmaan oo khudbadiisa ka jeediyay xaflad weyn oo ay ku qabsadeen labada urur Magaalada Nairobi,wuxuu farta ku fiiqay in ku biiritaankooda uu salka ku hayo qiimeeyn ay ku sameeyeen Ururka ASOJ oo uu ku tilmaamay mid ay Wariyaasha magaca leh ku mideysan yihiin.

“Waxaanu xaqiijinay inaysan ASOJ ku shaqeyn qaab NGO ama Ururka ASOJ uusan ahayn mid ay ku qaraabtaan shaqsiyaad aan sumcad badan ku lahayn Saxaafadda Soomaaliya ,waxaana taas u marqaatiya Wariyaasha cul culus ee ka tirsan hoowlwadeenada Ururka “sidaa waxa ku cel celiyay Gudoomiyaha Suxufiyiinta Soomaalida Kenya oo khudbadiisa ay xamaasad xoogan huwaneed.

Gudoomiyaha Suxufiyiinta Kenya wuxuu tacsi heer Qaran u diray dhamaan Saxaafadda Soomaaliya gaar ahaan bahda Hornfrik,wuxuuna rabi uga baryay inuu Janatul Farduus ka waraabiyo Agaasimahii Idaacada Horn Afrik Dr Cali Iimaan Sharmaarke iyo Agaasimahii Idaacadda Capital Voice Mahad Axmed Cilmi.

Gudoomiyaha Ururka isu taga Suxufiyiinta Soomaaliyeed ee ASOJ Dahir Abdulle Alasow oo isagana halkaas khudbad dheer ka jeediyay ayaa shaaciyay in ASOJ ay gacmo furan ku soo dhaweyneyso Wariyaasha Somalida Kenya,wuxuuna tibaaxay inay urur ahaan soo dhaweeynayaan Ururada Saxaafadda Soomaaliya oo dhan,si loo mideeyo awoodeeda iyo aqoonteeda la tartanka Warbaahinta dunida sedexaad.

Gudoomiyaha Ururka Suxufiyiinta Soomaaliyeed ee ASOJ Mr Dahir Abdulle Alasow,wuxuu dhamaan boqolaalkii qof ee ka qeybgalay xafladaas ka codsaday in faataxada loo akhriyo Cali Iimaan,Mahad Cilmi iyo Mahad Cabdiqadir Kaskey oo uu sheegay inay lafdhabar u ahaayeen Saxaafada Soomaaliya,ayna sababsadeen gacan ka gardaran. 

“Cali Iimaan Sharmaarke wuxuu ahaa halyeey Saxaafadda Muqdisho la tartansiiyay Warbaahinta dunida,waxaana ku tilmaami karnaa horseedka madaxbanaanida Soomaaliya ee maskaxdiisa iyo maalkiisaba u huray”ayuu yiri Dahir Abdulle Alasow oo dhinaca kalana hambalyo u 
diray Telefishinka Caalamiga ee Universal iyo Idaacadda Front Fm Kenya.
 

Dahir Alasow wuxuu Telefishinka Universal iyo  Radio Front Fm Kenya kuwa astaan u noqday Madaxbanaanida iyo dhexdhexaadnimada qeeynuunka Saxaafada,isagoo si gaarana carabka ugu adkeeyay inay tixgelin siiyaan Weriyaasha ka hoowlgala.

“Waxaan la yaabay sababaha ay Wariyaasha iyo Ganacsatada Warbaahinta sameystay u sheegi la yihiin shaqsiyaadka ugaarsiga ku haya Saxaafada,dhab ahaantii anagu waan naqaana,waana sheegeynaa sida ugu haboon,maxaa yeelay hadii laga aamuso ,maalin walba mid ayay dilayaan” ayuu yiri Mr Alasow oo si gaara u xusay in ASOJ ay xog badan ka heyso ,sababihii loo dilay Cali Imaan iyo kooxahii arintaa maleegay. 

“Waxaa sharaf weyn inoo ah inaan idinkala soo qeybgalo,xafladaan,waxaan aad uga xanuunsanahay dilalkii qorsheeysneed ee lagu qaarijiyay Cali Iimaan iyo Mahad Cilmi,waxaana ku faraxsanahay inaan maanta halkaan ku wada kulano Wariyaashii lafdhabarka Wariyaasha Muqdisho ee aan dhegaha iska maqli jirnay uun”sidaa waxaa yiri Mr Mursal Quule oo ah Afhayeenka Ururka Suxufiyiinta Somalida Kenya . 

“Xamar nafteyda ayaan uga soo cararay, todobo maalmood ka hor ,
intaan la dilin Cali  Iimaan iyo Mahad Axmed Cilmi ayaa telefoonka la iigu soo hanjabay,waan ku dileeynaa ayaa leeygu dhahay,ma arkeyn telefoonka wuxuu ahaa Private,laakiin markii saacado isku xigay la 
dilay Agaasimaheeygii  Cali Iimaan iyo Saaxiibkeey Mahad Cilmi ayaan isaga soo cararay,sababtuna waxay ahayd qalqal aan ka qaaday dadkii 
oo I soo wada wacayo dal iyo dibad iguna leh,waar soow ma ogid inaad ninka sedexaad tahay,maxaa meesha ku joojiyay”sidaa waxaa yiri 
Wariye Xasan Cadde oo ka tirsan Wariyaasha Warbaahinta Horn afrik,laguna yaqiin barnaamijkiisii xamaasada badnaa ee dhacdooyinka Hornafrik.

Xasan Cadde oo khudbad dheer ka jeediyay xaflada ASOJ ee Nairobi wuxuu ku celceliyay inuu mar walba dalka jeclaa hasse yeeshee uu kaga soo baxay haliso badan oo u muuqday aawgeed. 

“Cali Iimaan iyo Mahad Cilmi waxaa ay ku dhinteen xaqa,waxaana 
dishay gacan ka gardaran,iyagoo hoowlahoodii shaqo ku guda jira,waxaana muhiima in qof walba dhimanayso,sidas daraadeed waxaan ka qeybgalayaasha ka dalbanayaa inay min sedex qulu wale u akhriyaan labada masuul ee Warbaahinta Afrik miisaanka weyn ku lahaa”sidaa waxaa khudbadeeda ku furtay Wariye Falastiin Axmed Xaaji oo ka hadlaysay Xaflada Wariyaasha ASOJ ee Nairobi.
 

Falastiin Axmed Xaaji oo ka mida Wariyaasha masraxa Saxaafada magaca iyo miisaanka weyn ku leh,waxay saarneed gaariga uu watay
Cali Iimaan ee lagu qarxiyay.
 

“ Markii la ii sheegay in la dilay Wariye Mahad Cilmi,saacado kadib
 ayaa anigoo townka maraya la ii sheegay in la dilay Cali Iimaan,
markaas ayaan dhab ahaantii xanuunsaday oo dareenkeeygu si weyn 
isu bedelay,habaryarteey oo gaariga ila saarneed baa igu dhahday” maxaa laguu soo sheegay Catoosh” waxaan ugu jawaabay:-“ Habaryar wiil Weriye ah ayaa saakay la dilay,hadana Wariye kale oo aaskiisii ka qaybgalay baa la dilay oo gaarigiisii ku dhex dhintay” 

Intaas markii aan iri ayay habaryar igu tiri” Wariyaashiina ma dadkii la dilayay ayaad ka mid noqoteen” ayuu yiri Cabdi Risaaq Catoosh oo ka mida Wariyaasha Idaacadda BBC laanta Afka Soomaaliga.

Cabdi risaaq Xaaji Catoosh wuxuu tibaaxay in hadalka Habaryartii uu arkay Messege micno wayn xambaarsan,wuxuuna tacsi u diray dhamaan eheladii iyo qaraabadii ay ka geeriyoodeen labadaas Sarkaal ee Saxaafadda Soomaaliya magaca iyo miisaanka ku leh,wuxuuna ku cel celiyay,ilaaheey hanaga sabir siiyo labadaas nin ee naga tagay,isagoo 
ku kaftamay”waxaa la yiri Geeridu qofaadan garaneyn iyo geel jire ayay ku wanaagsan tahay”
 

“Markii la ii sheegay in Cali Iimaan la dilay isagoo ka soo laabtay aaskii Wariye Mahad Axmed Cilmi,dhab ahaantii waxaan awoodi waayay inaan telefoonka ka dansado qofkii I soo wacday,waan gariiray,maxaa yeelay wuxuu ahaa nin qiimo badan oo Saxaafada kaalin weyn ka taagnaa”sidaa waxaa yiri Agaasimaha Guud ee Wasaaradda Warfaafinta DFKMG Xasan Ciisse Cali Kuuriye,oo dadka badankii ay ku tilmaamaan inuu yahay barbaariyaha Saxaafiyiin badan oo Soomaaliya aad looga jecel yahay. 

Agaasime Xasan Kuuriye oo mudo ka badan 40 sanadood ka shaqeeynayay Saxaafadda Soomaaliya ,wuxuu ku celceliyay in xilkasta 
oo u qabto ,waligii ka jeclaanayo Wariyenimadiisa,wuxuuna wax laga xumaado ku tilmaamay tacadiyada iyo dhibaatada lagula kacayo Saxaafiyiinta Soomaaliyeed.
 

Khudbada Agaasime Xasan Kuuriye oo aad u dheereyd,wuxuu ku cadeeyay inuu ka shaqeyn doono ,ilaalinta iyo difaacida Saxaafiyiinta  Soomaaliyeed ee 16-ka sano ku shaqeeynayay kelya adeega. 

Ugu dambeyntii waxaa xaflada ka hadlay Xoghayaha Guud ee Jaaliyadda Somalida Kenya Mudane Dahir Macalin Qaasim,wuxuuna tacsi u diray dhamaan eheladii ay ka geeriyoodeen sedexda Wariye,waxaa kale oo 
uu sheegay inay siyaasad ahaan taageersan yihiin hadafka ururka Suxufiyiinta Soomaaliyeed ee ASOJ.
 

Si kastaba ha ahaatee,xaflada ay iska kaashadeen ASOJ SJNK ayaa ahayd mid xiiso badan,waxaana heeso Wadaniya ka qaaday hobolo uu 
ka soo dhex muuqday Aas aasahii Waaberi Cabdi Cali Bacalwaan.

  

Siciid Cumar Max’ed Baaffo 

[email protected] 

Nairobi-Kenya


Leave a comment

  Tip

  Tip

  Tip

  Tip

  Tip